WASHINGTON - Shugaba Joe Biden ya gana jiya Juma'a da babban jami'in diflomasiyyar kasar Sin, tattaunawar da ake kallo a matsayin mafarin zama da shugaban kasar Sin Xi Jinping a wata mai zuwa. Ganawar dai ita ce ta baya-bayan nan a jerin manyan tuntuba da kasashen biyu suka yi a yayin da suke nazarin yiwuwar daidaita dangantakar da ke dada tsami a lokacin rikici a Ukraine da Isra'ila.